1. Ida Ratu Saking......
Ida Ratu saking luhur.
Kawula nunas lugrane.
Mangda sampun titiang tanwruh.
Mengayat Bhatara mangkin.
Titiang ngaturang pajati.
Canang suci lan daksina.
Sami sampun puput.
Pratingkahing saji.
2. Asep Menyan......
Asep menyan majagau.
Cendana nuhur dewane.
Mangda Ida gelis rawuh.
Mijil saking luhuring langit.
Sampun madabdaban sami.
Maring giri meru reko.
Ancangan sadulur, sami pada ngiring.
3. Betare Saking Luhur......
Betare saking luhur
Nggana ring ambarene
Penganggene sarwa murub
Parekan sami mengiring
Widyadara widyadari
Pada madudon dudonan
Prebawa kumetug
Angliwering langit.
4. Pangastutine ke......
Pangastutine ke luhur
Angregepan redanane
Nering purwa puji dumun
Ring daksina ne keasti
Ring pascima sareng sareng astute
Ring utara karedane
Mantuk madyeng bayu
Mayoga nganjali.
5. Pangradana ne......
Pangradana ne kaluhur
Maka pangundang Dewane
Asep menyan maja gau
Ambunyane merik sumerik
Cendana pada mesanding
Pemendak Ida betara
Anggene di luhur
Ngaran tiga sakti.
6. Sadasiwa maja......
Sadasiwa maja gau
Pramasiwa cendanane
Menyane Betara guru
Kukuse nepud ke langit
Punika anggen pemargi
Pacing turun ring kayangan
Mangda gelis rawuh
Manusa menyiwi.
7. Brahma Wisnu......
Brahma Wisnu wus mangrasuk
Iswara Mahadewane
Irika pada malungguh
Siwa ring madya nyelehin
Pada mangelengin linggih
Brahma tengen Wisnu kiwa
Iswara ring ayun
Mahadewa nguri.
kembali ke :
“1. Kidung Kawitan Warga Sari”
lanjutkan ke :
“3. Kidung Turun Tirta”