Kidung Pengayat Warga Sari
Kidung Wargasari adalah nyanyian suci yang umumnya dilantunkan saat upacara Dewa Yadnya.
Fungsi dari Kidung ini adalah sebagai lagu pengantar atau pembuka (pemendak) sebelum persembahyangan dimulai.
1. Ida Ratu
Ida Ratu saking luhur
Kawula nunas lugrane
Mangda sampun titiang tanwruh
Mengayat Bhatara mangkin
Titiang ngaturang pejati
Canang suci lan daksina
Sami sampun puput
Pratingkahing saji
2. Asep Menyan
Asep menyan majagau
Cendana nuhur dewane
Mangda Ida gelis rawuh
Mijil saking luhuring langit
Sampun madabdaban sami
Maring giri meru reko
Ancangan sadulur,
sami pada ngiring
3. Betare Saking Luhur
Betare saking luhur
Nggana ring ambarene
Penganggene sarwa murub
Parekan sami mengiring
Widyadara widyadari
Pada madudon dudonan
Prebawa kumetug
Angliwering langit
4. Pangastutine
Pangastutine ke luhur
Angregepan redanane
Nering purwa puji dumun
Ring daksina ne keasti
Ring pascima sareng sareng astute
Ring utara karedane
Mantuk madyeng bayu
Mayoga nganjali
5. Pangradana Ne
Pangradana ne kaluhur
Maka pangundang Dewane
Asep menyan maja gau
Ambunyane merik sumerik
Cendana pada mesanding
Pemendak Ida betara
Anggene di luhur
Ngaran tiga sakti
6. Sadasiwa Maja
Sadasiwa maja gau
Pramasiwa cendanane
Menyane Betara guru
Kukuse nepud ke langit
Punika anggen pemargi
Pacing turun ring kayangan
Mangda gelis rawuh
Manusa menyiwi.
7. Brahma Wisnu
Brahma Wisnu wus mangrasuk
Iswara Mahadewane
Irika pada malungguh
Siwa ring madya nyelehin
Pada mangelengin linggih
Brahma tengen Wisnu kiwa
Iswara ring ayun
Mahadewa nguri.
Klik disini Kembali ke halaman kidung lainnya :